Matou te malamalama i lu'itau tulaga ese e feagai ma tagata pe afai o le Igilisi o la latou gagana lona lua lea.  E ui ina kiliva atu uma a matou vasega i le Igilisi, ma e tatau foi ona faatumu uma su'esu'ega i le Igilisi, ae o loo iai filifiliga e fesoasoani ia te oe e te manuia ai i a matou vasega ma polokalame.

Tagata faaliliu'upu ua faamaoniaina

Mo i latou e manana'o i fesoasoani faapitoa, o loo iai le matou lisi o tagata faaliliu'upu faamaonia e avanoa e te lua faatasi atu i le a'oga. O nei tagata e iai tomai faapolofesa e mafai ona fesoasoani ia te oe e fesoota'i mo soo se va o gagana ma faamautinoa o loo e malamalama lelei i le anotusi. E mafai ona e maua le lisi o tagata faaliliu'upu ua faamaonia i le https://www.nzta.govt.nz/driver-licences/new-residents-and-visitors/approved-translators/

Vasega i luga o le initaneti

E mafai ona faaliliuina a matou vasega i luga o le initaneti i gagana e 36.  O vasega o loo avanoa i luga o le initaneti, e mafai ona faaaogā e sui a'i a tatou vasega i totonu o potua'oga.  E mafai fo'i ona faaaogā vasega i le initaneti e fai ma lagolago mo vasega i potuao'ga, ma e te maua ai le avanoa e a'oa'o ai matā'upu a'o le'i faia lau vasega i le potua'oga.

Taumafai atu i ai

E mafai ona e auai i a matou vasega faavae i potua'oga ma va'ai pe faapefea mo oe.  Faamolemole ia nofouta ona o le matou aufaigaluega o loo mulimulita'i i se lisi mo le faasologa o taimi.  Afai e lē mafai ona e faamae'aina soo se su'esu'ega i le taimi faatagaina, o le a faagasolo pea lava le vasega i le isi laasaga (module).  Afai e lava se taimi i le aso o le a fesoasoani atu ai le matou aufaigaluega e faamae'a soo se vaega e le'i mae'a o le vasega, ae afai ua leai se taimi, e mana'omia lou toe lesitala i se isi vasega i se tau faaopoopo.

Auai mai i le matou TR Driver Training ma maua se si'osi'omaga e lagolagoina oe ma aofia ai lou aʻoaʻoina lelei.